نفسي أقول لِك ألف حاجة بس آه لو تفهميني

Mar 28, 2007 at 14:55 o\clock

التعديلات الدستورية... ونجمات الهشك بشك

 

"التعديلات الدستورية...ونجمات (الهشك بشك) "

كان جالسًا تعلوه الحسرة والندم وهو يرى تنويهات (البيت بيتك
عن الحدث الجلل والخطب الأهم والأخطر على الساحة
ألا وهو استضافة نابغة عصرها وأوانها عالمة النانو تكنولوجي
والفيمتو ثانية الأستاذة "روبي" في برنامج (البيت بيتك)

كان صاحبنا يجلس وبجواره ابنته ذات العشرة أعوام
سألته ببراءة الأطفال-
وقد يكون بمكرهم أيضًا-: مَن هذه يا بابا؟

أخذ يتذكر سنوات عمره التي قضاها في البحث
عن زيادة إنتاجية الفدان ولم يلتفت إليه أحدٌ ولم يسأل عنه
حتى ولو فني الإضاءة في (البيت بيتك)
إنها حقًّا مأساة.. مأساة البلد كله أن يتحول ظهور روبي في البيت بيتك إلى حدث الساعة،
ويتم التنويه عنه قبله بأيامٍ
فهل هذه هي الحضارة التي يتشدقون بها؟
وهل هذا هو قطار التنوير الذي يهللون له
أن يأتوا بهذه الراقصة أو تلك المغنية
ويجعلونها نجمةً في سماء الإعلام ونموذجًا
يجعل الآباء في البيوت لا يعرفون ماذا يقولون لأبنائهم
وهم يُقطِّعون أنفسهم في المذاكرة
وسنوات الدراسة ليقابلوا شبح البطالة في نهايةِ الطريق
يُسلِّم عليهم ثم يصطحبهم إلى أقرب مقهى؟
ثم ماذا نقول لفتياتنا العفيفات ونحن ننصحهن بالتمسك بالأخلاق
وأنها هي التي ترفع مَن قيمة المرأة،
وهُنَّ يرون التليفزيون يهلل للسيدة روبي فريدة عصرها؟

من أين يؤكل الكتف في عصر التنوير؟
كيف نطلب من بناتنا وفتياتنا أن يرتدين ثوب الحياء
وهن يرون من خلعنه نجماتِ المجتمع تتسابق القنوات الإعلامية
ومنها التليفزيون المصري لاستضافتهن ويُعلن عنه قبل أيام؟!
ويرون الأموال تتساقط عليهن من كل حدبٍ وصوبٍ!
والزخارف الدنيوية تُحيط بهنَّ من كل مكان؟

أين الأستاذ الفاضل محمود سعد مما يحدث كله؟
ألم يكن أخرج في ظل رئاسته لتحرير الكواكب تحقيقًا يُدين هؤلاء؟
وقرر أنه لن يقوم بنشر أخبارهن على صفحاتِ مجلته؟
فما له لم يعلق على هذا الأمر أم أنَّ الإعلام المغموس
برغباتٍ سياسيةٍ أدرك الإعلامي المتميز؟
ففي الوقت المشغول به الشعب المصري بالتعديلات الدستورية
يخاطبه الإعلام الرسمي بإثارة غرائزه وأهوائه
من خلال استضافة الست روبي فيتحول البرنامج الإعلامي
إلى منتجٍ سياسي مُوجَّه من أجل التضليل
والتتويه ويصبح (البيت بيتك)
قُرْصَ مخدرٍ في سياسةِ التنويم في العسل

 

Jan 9, 2007 at 20:07 o\clock

ياريتها جابت كرمبة

ياريتها جابت كرمبة


ليس هناك ما يستحق الإندهاش عندما تخرج علينا الصحف الفنية لتشيد بأحد أعمال الكاتب الكبير أسامة أنور عكاشة ، و لكن لنا ان نندهش عندما يخرج علينا كاتب الروائح العبقرى الفذ و قد قرر أن يظهر فى صورة مختلفة و أن يخرج كل ما امعاءه من أفكار ، فكانت أول افرازاته عندما هاجم الصحابى الجليل " عمرو بن العاص" واصفاً اياه ب"أحقر شخصية فى الإسلام" !!!!
يالهول العبقرية!!
يحميك يا ولدى ...
لقد استطاع الكاتب الفذ ،العبقرى ،الأسطورة ، العالم العلامة البحر الفهّامة أسامة أنور عكاشة أن يكشف لنا " عمرو بن العاص" على حقيقته بعد أن خدع المؤرخين و الصحابة و التابعين بل الأدهى من ذلك أن رسول الله صلى الله عليه و سلم قال " أسلم الناس و آمن عمرو " و طبعاً عمرو هنا هو " عمرو بن العاص" بالضرورة إلا إذا كان الكاتب الفذ يرى ان المقصود هو عمرو دياب أو عمرو أديب أو عمرو سماكة أو عمرو ذكى أو أى عمرو آخر.. و لكن هذه الخدعة لم تنطلى على "عكاشة بيه " ... و طلع انه هو الوحيد اللى فاهم " عمرو بن العاص" على حقيقته مش بقول لكم عبقرى!!!، بعد أكثر من 1400 سنة من اسلام " عمرو بن العاص"
قعد كاتب الروائح يدوّر على أحقر شخصية فى الإسلام ... تصدق مالقاش حد أحقر من " عمرو بن العاص"!!!!!
" عمرو بن العاص" الذى يكفيه قولة الرسول صلى الله عليه و سلم فيه ليتمنى اى مؤمن ان يصيبه غبار نعل رجل شهد له الرسول صلى الله عليه و سلم بالإيمان .. " عمرو بن العاص" الذى أدخل الإسلام مصر فما يقوم فيها لله قائم و لا يركع فيها راكع ولا يقرأ احد منّا من القرآن شىء و لا يذكر أحد منّا الله سراً أو جهراً إلا و كتب لعمرو بمثلها حسنة ، فمن أنت يا عكاشة و من أنا حتى يكون لنا رأى فى أمر أقره الرسول صلى الله عليه و سلم
، و لكن الفاجعة أن هناك من تصدى للدفاع عن عكاشة متشدقين ب "حرية التعبير" و حق إبداء الرأى واصفين التطاول بالجرأة و الجهل بالدين بالعقلية التحررية ..... لا يا عكاشة .... فيما الجرأة أن تسب رجلاً صار فى ذمة الله ؟؟... فيما الشرف أن تهاجم من كان سبباً فى إسلامك و هى نعمة لو تدرى يا عكاشة لا تعادلها عدد حبات الرمال فى الصحراوات شكراً .... ثم الى الذين ينادون بالجرأة ... لماذا لا تهاجم بائعى النفط المدعم لإسرائيل ، هل فاقهم ابن العاص حقارة؟؟؟ !!! ، لماذا لا تبدى رأيك ايها الجرىء فيمن يبيع الحديد لإسرائيل بأرخص مما يبيعه هنا ؟ لماذا لا تتحدث ايها المثقف المعجزة عن تدهور اوضاع التعليم و سوء الرعاية الصحية و تدنى مستوى الأمن و فساد العلاقات الخارجية و ضياع الصناعة و وكسة الزراعة و كساد البضاعة و شيوع الصياعة و وتزوير الإنتخابات الطلابية و العمالية و النقابية و سيادة الرشاوى و فساد الفتاوى و غلو الأسعار و بشاير الإنهيار و العرى فى الكليبات و التحرش فى الطرقات و صور التعذيب و قضايا التهريب فلا لوم ولا تثريب... ألم يسترعى كل هذا انتباهك ؟؟؟ ألم يستفز جرأتك؟؟؟ لا أريد أن اتحدث طويلاً عن تلك الحادثة فما ضر بحر الفرات يوماً أن عبر بعض الكلاب فيه ......!!!
لم يكتفى "عكاشة" بهذا بل أراد اللا يحرمنا من حسن طلعته و بهاء طلّته ، ففى حوار نشر فى جريدة "المصرى اليوم" منذ بضعة اسابيع سُأل عكاشة عن رأيه فى الحجاب و عن التعديلات الدستورية التى يتمنّاها فأجاب عكاشة أن الحجاب - و ياريته ما أجاب - مظهر من مظاهر الغزو الوهابى !!!!!!!!!!!!!!!!!!!!!!!!!!
ايه يا واد الثقافة دى؟؟؟؟؟؟؟؟؟
اننى أرى أنه قرر أن يخرج كل مافى بطنه من ريح... لذلك سأختصر
إن هذه الجملة تعادل فى صحتها مقولة أن( الطعمية أكلة دانماركية) أو أن ( مدفع رمضان عادة فرعونية) أو أن ( المن و السلوى من مشتقات الملوخية) ... فكاتبنا العظيم اثبت ان معلوماته الدينية لا تتجاوز معلومات" توحيدة الغسالة " عن كيفية تخصيب اليورانيوم .... و لا حول و لا قوة إلا بالله ... فهو لا يعلم الصفة التشريعية للحجاب و لا يعرف أصلاً ما هو الغزو الوهابى .. و لكن السؤال لماذا لم يهاجم كاتب الروائح غزو نونا و نانا و هيفا و دانا و روبى ... ألم يستشعر أنهم أخطر على الشباب من انتشار الحجاب ؟؟ و (حاشا لله أن يكون فى الحجاب ضر) .. و من الجدير بالذكر اننى تعمدت رصد ردود أفعال الشباب من أصدقائى عندما سمعوا عن هذا الحوار و لكننى أأسف لعدم ذكرها لأنها امتدت لتنال من بعض الميتين و الحيين - انتوا عارفين شباب بقى- و لكن منهم من أشار بأصابعه إشارات غريبة ما أنزل الله بها من سلطان .. ومنهم أصدر صوتاً من خيشومه كصوت الغليان .. و منهم من انهار فى صمت و تمتم (( ياريتها جابت كرمبة)) و لا أعرف ماذا يقصد بالضبط.
هؤلاء هم الشباب يا سيد عكاشة .. ما زالوا لا يقبلون الخوض فى دينهم .. وعلى فكرة كلهم بيدعولك تكمل الجزء الرابع من (زيزينيا ) و بيقولولك خليك فى حالك

Jan 8, 2007 at 04:50 o\clock

المسرحية والعجرمية

المسرحية والعجرمية

دول كلمتين من الحسرة كتبتهم... لا شعر هما ولا نثر أنا قولتهم
شوفت الناس بيكتبوا ..... قولت اكتب زيهم

عن مسرحية .. وعجرمية .. والبنات اللبنانية
عن المحطة .. والبت بطه .. وقيادة المهلبية

ألف ماتو .. الفين يموتو ....ملايين عايشين ... كل يوم بيموتو
وتـتوه حروفك وتبقى كلمه ...غير المحطة ديه ... واسمع للعجرمية

يا سلام عليكي يا ميلودي والله على روتانا
بدريم الوقت هيعدي .. واوعي تنسى (( اسهر معانا))
أنسى الأسى .. والجرح فيك راح يتنسى
وبأمر من رئيس المهلبية نام واستغطي ببطنية

وإياك تثور وإياك تقول ... كفاية وحرام
لو تثور يبقي تغور أنت وأهلك والكل يهلك من غير كلام

خليك مسالم .. في الحلم نايم .. تصحي تقوم .. تلقى المصايب
ومن جديد غير محطة .. هتلاقي بطه .. بتقولك أنسى .. دي الغنوة لسه... هتبتدي
وتبتدي وتنتهي ..... ومن جديد راح تبتدي

نفس الحكاية ... نفس الرواية .. نفس الطريق بيه تهتدي
نفس الأسى نفس الدموع
هو الكبير وأنت الذليل يؤمر وينهي وعليك خشوع

يقول .. هنشجب .. تقول ومالو ... ومالو نشجب أه يا جمالو
يقول .. نندد .. تقول ومالو .. تمدح كلامه ...اه يا جمالو

ولو راحو ألف .. وماتوا خطف .. بنار عدوك .. دا يبقي عطف
ولو قالو ليله ..نجومها نارهم .. دي تبقي ليله ولا ألف ليله
دي النار لدارك .. والنور لدارهم


وأحكي يا شهر زاد .. من غير كلام ينعاد
عن قصه هي هيه

(بوسنيه .. اندونيسيه .. قدسيه - بغدادية - لبنانية ... وقريبا تأتي البقيه)
دي فصول المسرحية ...

ومهما تطول المسرحية في النهاية بلاد عفية

حكامها نوم تحت البطنيه

غيروا المحطة ديه .. وهاتوا العجرمية

محلاها روتانا .. وأسهر معانا .. بالأغاني اللبنانية
بلاش كلام في السياسة .. خليك سعيد وبلاش تعاسه
وامشي الطريق .. راسك لفوق .. وإياك تفوق
مالك بديل .. وإسمك جميل .. غني واقول
عربى انا .. وانا الذليل

وزمن كئيب ... وكرهك عجيب .. توطي راسك .. ويعلى النحيب

وزمنا مالو .. ذنبه إيه في وطن بحالو
راسه تحت والجزمة فوق ... والجزمة ليك لو يوم تفوق

لازم تنام .. وتنام كمان ..ولو قالو نشجب
لازم تصقف..... الله كمان
ولو حد غيرك .. اختار مصيرك .. يبقي يا بختك
دي حته ( لا ) يوم تقولها .. عفريت يشيلها وتكون ( نعم) .. شوفت حظك

وهس هس .. وبس بس .. من غير كلام يالا ننام
وبكره نشجب .. ولا أقولك أوعي تشجب
خاف على امك .. ومعاها اختك .. وكمان ولادك
لو يوم هتنطق

ونعيد كلام ونزيد كلام هو الكلام نفس الكلام
لا يوم نمل ولا يوم نكل وارفع معاية راية السلام

يا سلام عليكي يا ميلودي والله علي عيون العجرمية

كبيرنا قال لازم ننام
يبقي اوام يالا ننام
وبكره حد يفكروا... وأوعوا مزاجوا تعكروا
قلولو بس ... يمكن يحس ... ليه يا عبس بعنا القضية

نادوا بسرعة على العجرمية

Jan 8, 2007 at 03:25 o\clock

الحزب الوطنى البلطجى

ظاهرة جديدة وغريبة عارفين هى اية؟؟؟؟؟؟؟؟؟
التدخل والبلطجة من قبل الحزب الحاكم ضد معارضية هذة المرة لم تكن فقط عن طريق الامن المركزى كالعادة
ولكن دخل فيها شبيبة الحزب وبلطجيتة ومجموعة منقااااااة بعناية من صفوة البلطجية اصحاي السوابق او المحكوم علهم فى احكام جنائية
باطجية اصلى يعنى مش كدة وكدة ......وقد شهدنا بانفسنا همتهم وقتها واستعدادهم للتضحية .......طبعا بافراد الشعب الغلابة مش بنفسهم طبعا
من اجل عيون الباشوات ولواءات الداخلية بل احيانا من اجل عيون اعفن ظابط فى اصغر ثكنة عسكرية
امال ابة ؟؟؟؟؟؟؟؟خدمات وطنية ........ومصر هى امى .........
نيلها هو دمى ..........اتارى
نزيف الدماء من شعبها لا ولن ينتهى على ايدى شباب حزبها الوطنى ورجال الحرس والعسكر ....وسلملى على خالتى نزيهة
الذى ذكرنى بالحادثة هو ما قراتة عن ما حدث فى انتخابات اتحادات الطلاب فى الجامعات
شطب .ففص ........فصدامات .........فتعيين بالعافية والدراع من الحكومة .......ثم اصرار من شباب الاصلاح على الانتخاب الحر
فيتعمل انتخابات فعلا بعيدة عن سلطة الجامعات "حرة "
الغريب والمثير والمزعج "كل دة فى ان واحد "
تكرار نفس البلطجة بس المرة دى من شباب الحزب المعينين بالعافية والدراع واستخدامهم للسنج والمطاوى وكل ادوات البلطجة المعروفة بمهارة واتقان
ولكن ضد زملاؤهم .....مما اسفر عن وقوع اصابات فعلا
وكل ذلك تحت سمع وبصر الامن وبرعاية حكومية كاااااااااااملة
قادتنى هذة الاحداث الى سؤال ......ارقنى كثيرا
وهو .......تاى اين انت ذاهبة يا مصر ؟؟؟؟؟؟
او بعبارة ادق .....واخدينك على فين حفنة المرتزقة والمنتفعين اللى نهبوا خيرك
وعلى راى ستى "خربوها وقعدوا على تلها " اقعدوا بالعافية

Jan 8, 2007 at 01:32 o\clock

إنجازات الحكومة


انا بس بكتب من الذاكره ...الذاكره بس
اول ما خطر على بالى كارثه حصلت السنه دى الف روح فارقونا المشكله فى الكارثه
بقى اللى اكبر منها
ان احنا نسيينا طب بذمتكم حد لسه بيفكر فى الموضوع دا بقى موضوع حمضان صح
الطبيعى ان اى حكومه محترمه كانت تتصرف مع الكارثه دى ازاى؟
تعرف الاسباب اللى ادت لكده وتحدد للراى العام مين المسؤل ونلاقى مسؤلين بيقدموا
اسقالتهم ويتم تعويض الافراد تعويضات محترمه ولو انها برده مش كفايه
الحكومه بقى بتاعتنا عملت انجازسابت المجرم هرب مفيش مسؤل واحد قال حتى انه
غلطان كفروا الناس على ما دفعوا التعويضات اللى هيه حوالى 20 الف جنيه
هنا بيحضرنى موقف سيده فى ولايه امريكيه طلبت وجبه كنتاكى فلما فتحت الوجبه
لقت فيها راس فرخه رفعت دعوى على كنتاكى وحصلت على 2 مليون دولار تعويض
عن الاذى اللى تسببت فيه "راس الفرخه" فما بالكم راس البنى ادم
جماعه امريكان حبوا يعملو فيلم بس بيدور احداثه من 100 سنه وكان فيه مشاهد

فى احد القطارات ملقوش فى العالم مكان للتصوير غير فى مصر

انه انجاز اخر من انجازتنا التى سيذكرها لنا التاريخ القطارات
اللى سبناها لما صدت وماتت وعفنت وجايين نصلح الوقتى لما بقت حوادث القطار
زى حودث العربيات ولا يمكن اصلاحها ومهما سيصرف لن ينصلح حالهايذكر ان الميزانيه التى رصدت لجعل القطارت فى مصر تصلح للاستعمال الادمى هوه 5مليار جنيه
النكته بقى ان خط بنى سويف القاهره(اى خط من الصعيد للقاهرة مش فاكر) محتاج 8مليار بس عشان الصيانه
فى الوقت اللى الناس والبلد محتاجه كل مليم تعالوا شوفوا مصاريف الوزرا كام السنه دى
ملياراً و6.619 مليون دولار خلال عام 2005/2006
ويستنزف وقود سيارات الحكومة 122 مليون جنيه سنوياً. وتكلف الادوات المكتبية
ميزانية الدولة 131 مليون جنيه سنوياً، بينما تتكلف موائد الطعام والحفلات والتهانى
والتعازى فى الصحف ما يقرب من 61 مليون جنيه وتتكلف المهرجانات 25 مليون
جنيه سنوياً، كما تتكلف صيانة المبانى الحكومية من تجميل ودهانات وغيرها مليار جنيه سنوياً
كفايه كده عشان الارقام متزغللش عنيكم
ادى الترشيد شوفوا بقى كانت عامله ازاى قبل الترشيد وادى انجاز كمان
حد يقوللى ياعم مهما عملوا انجاز وهيرفعوا مرتبات المدرسين اهه مش دا انجاز
برضه ..اقله دا ان دل يدل على مده قصر ديل حكومتنا
اقوله انا تفتكر البنزين بقا اغلى ليه مع ان مفيش زياده فى اسعاره العالميه
يزيد بالنسبه دى ليه ؟؟
طيب طلبوا ليه اعاده ادخال بيانات بطاقه التموين؟؟
طبعا فى النظام الجديد فى التموين اى حدبيقبض هيبقى مش محدود الدخل
وهيتشال التموين بتاعه اللى هما قزازتين الزيت الاسود وشاى نشاره الخشب
يبقى الوقتى تظهرلنا المعادله دى
فلوس الدعم للبنزبن اللى اترفعت+فلوس التموين اللى هتترفع=الزياده فى فلوس المدرسين
وان دل ذلك يدل على مدى حكمه حكومتنا وانجاز اخر يضاف الى الانجازات
اختم بقى بموضوع كابس على نفس
فاكرين توشكىوعاوزينها تبقى خضرا الارض اللى فى الصحرا ورحلات
المدارس والهيصه دى
السادة المسؤلين اكتشفوا بعد 10 سنين ان المشروع فاشل..وكفايه
اللى اتصرف عليه اوى وبدءوا يسرحوا المهندسين اللى هناك ويبرر
احدهم وقال ان المشروع هتيجى فايدته بعد 10 سنين هيبقى ترب
!!!للمصرين الى هيموتوا من الجوع
مش فاضل غير اقول ان دا اللى كل الراى العام بيقوله وما خفى كان اعظم بكتير
ملحوظه البلد دى مش مصر للناس اللى ممكن تفهم غلط