نفسي أقول لِك ألف حاجة بس آه لو تفهميني

Jan 8, 2007 at 05:32 o\clock

اخطاء فى العلاقة

by: HERO   Category: حب فى حب

وهو عن الاخطاء الى كتير مننا بيعملها
فى بدايه علاقته العاطفيه وهو مش واخد باله منها خالص
يالا نبتدى
يالا
الخطأ الاول

انك تفترض ان الشخص اللى قدامك خلاص بقى محل ثقه
لا وايه مش اى ثقه دى ثقه مطلقه
وانك مادمت بتستريحله بدرجه كبيره يبقى احساسك مابيكدبش
وساعتها بقى بتجيلك نوبه صراحه مفاجئه
وتقول للشخص اللى قدامك كل اسرارك ومشكلاتك
يعنى من الاخر
تفضح نفسك يعنى

الخطأ الثانى
انك تبالغ فى تعبيرك عن مشاعرك عشان تكسب ود الطرف التانى
لا وايه وتبالغ وتاخد من المبالغه دى اسلوب لعلاقتك معاه
يعنى
تتصل بيه كل شويه وتطلب منها الخروج كل يوم
وكل خروجه بورد وكل مناسبه بهديه
حتى لو عيد العمال
وتبالغ فى اهتمامك بنفسك وفى ارسال
sms
ملتهبه الاشواق كل نص ساعه
المشكله هنا ان الطرف التانى مايعرفش انك بتبالغ فى اهتمامك بنفسك
وبيعتقد ان دا
هو العادى بتاعك
ولما بقى ترجع لطبيعتك وتنتهى المرحله دى
هيعتقد الطرف التانى ان حبك ليه اصبح بارد
وانك فقدت اهتمامك بيه


الخطأ الثالث

انك تركز مجهودك فى انك تسيطر على الطرف الاخرتحت شعار
انا بحبك وبخاف عليك
مع ان العلاقه هتستمر لو انت ركزت جهودك
فى انك تسيطر على نفسك

الخطأ الرابع

انك تدى انطباع للطرف التانى ان العلاقه دى مسروقه

فترفض انك تظهر معاه فى الاماكن العامه
وماتكلموش الا فى نص الليل
ولو اتصلت بيك اللى بتحبها ترد عليها على اساس انها راجل
ايوة يا اسماعيل بيه
او العكس طبعا
الاداء ده بيخلى فى شعور بعدم الامان
والشعور دا هينمو مع قصه الحب نفسها فتكبر وهى ضعيفه وهشه

الخطأ الخامس
انك تعيش فى انتظار ان يقدم لك الحب حاجه
اى حاجه
والحب مش انك تستنى تاخد حاجه
لالالالالالالالا

الحب انك تتعب علشان الحاجه اللى عايزها


الخطأ السادس
انك تاخد راى اى حد فى الطرف الاخر
او مثلا تسال صاحبك ولا صديقك
ايه رايك فى فلانه؟
يعنى انك مابتحبش فلانه
كده يعنى

الخطأ السابع

انك تكتر فى كلامك جمل من نوعيه

اصلى انا ماباحبش كذا
انا ماينفعش معايا كده
خدى بالك انا فيا ميزه
عندى عيب بس هو ميزه فى نفس الوقت
بلاش تفضل مركز فى نفسك وفى كرامه نفس سيادتك
ورهافه نفس جنابك وحضرتك

يعنى من الاخر
ركز مع اللى قدامك شوووووويه

الخطأ الاهم

انك تفترض وتعتقد ان العلاقه دى

one way
وماتبقاش عامل حساب انها ممكن تخلص لاى سبب
فتقف مكانك مجروح بعد ماكونت راكب عربيه واحد وماشى بيك
فى طريق كله ورد وزهور جميله وعبيرها اخاذ
وفاجأه
قرر ينزلك فى حته مقطوعه ويمشى لوحده ويسيبك
؟؟؟؟؟؟؟؟؟؟؟؟؟؟؟؟؟؟

Jan 8, 2007 at 05:16 o\clock

النظرية التى أجبرتنى على أن أومن بها

by: HERO   Category: حب فى حب

انا طبعا هتتكلم عن الحب الشائع (واحد وواحدة)
الموضوع ده كان شاغل بالى من فترة
لإن انا بشوف حاجات غريبة فى الموضوع ده خلتنى اسأل نفسى هو ده الحب اللى كل افلامنا المصرية (التافهة) بتتكلم عنه !!
و خصوصا لما بلاقى ان واحد بيحب واحدة علشان معاها n70 و التانى بيحب 3 فى وقت واحد و بيقول ان الـ3 حب حقيقى

و التالت عامل لسته فيها ولا 20 واحدة و بيحبهم و الرابع كل اسبوع يغير واحدة ........ Etc
بدأ الموضوع فى دماغى بالسؤال ده

ايه علاقة الحب بالقلب ؟؟
و اخوانا الحبيبة طبعا اكدوا ان القلب مصدر الحب و اسألهم ايه المبرر مايعرفوش يردوا
قولت اسأل متخصصين فسألت (دكتور) بس بإسلوب غير مباشر طبعا ..
قالى ان فيه غدة معينة بتخلى القلب نبضاته تبقى سريعة فى احساسات زى الخوف و كده

---
بعد كده تطور بيا التفكير لإنى اصل ان مفيش حب اساسا ---
و سيتم توضيحه فى هذه النقاط

أولا : مفيش فرق بين البنت و الولد
او على رأى سعاد حسنى (البنت زى الولد)
بعد بحث و تفكير وجدت ان الفروق الوحيدة بين البنت و الولد حاجتين
1-
التكوين الجسمى 2- المعاملات الاجتماعية
و طبعا المعاملات الاجتماعية دى احنا اللى وضعناها و قابلة للتغيير
و السبب فى وجودها بهذه الطريقة هو برضه التكوين الجسمى
و انا قصدى بالموضوع ده ان كلا النوعين ممكن يكونوا كاذبين أو صادقين
هايفيين أو جادين , رخميين أو ظرفاء يعنى على افتراض انك حبيت واحدة ايه اللى ممكن تلاقيه فرق عن واحد صاحبك
اكيد هاتبقى رخمة فى بعض الاوقات و اكيد هاتكذب عليك فى بعض الحاجات و...و..و.....
ثانيا : الحب صداقة مغلفة

ايه الاسباب اللى بتخليك تصاحب واحد ؟
حاجة من اتنين 1- التوافق 2- المصلحة (و دى طبعا مش صداقة حقيقية)

لكن انا فى رأيى ان الحب فى الحقيقة عبارة عن صداقة سببها التوافق

(طبعا مش هاتحب واحدة علشان عاوز منها مصلحة)أى بمعنى ان ممكن تكون ( افكاركم , اهدافكم , طرق تفكيركم ) متقاربة او متشابهة....
يعنى برضه انك لو حكيتلها على مشكلة هاتفهمك
.
لكن طبعا ملهاش صلاحيات الصديق الكاملة

يعنى مثلا ماتقدرش تحكيلها على كل حاجة (تقدر تقول لواحد صاحبك على موضوع لكن ما تقدرش تقولهولها) ماتقدرش تخرج فى اى وقت معاها ( يعنى لو انت مخنوق من البيت الساعة 12 بالليل ممكن تعدى على واحد صاحبك و تتمشوا سوا) و اسباب كتييير اغلب اسبابها المعاملات الاجتماعية اللى حددها المجتمع اللى احنا فيه
أى تقدر تقول ان الحب هو نوع متدنى من الصداقة
ثالثا : الانبهار مصدر هذا الوهم
و هنا هاتكلم على نقطتين 1- الانبهار بالموضوع ككل 2-الانبهار بالفتاة
:::::
الانبهار بالموضوع ككل ::::::
بحكم المجتمع بتفضل ما يسمى بالحب عن الصداقة

لإن طبعا حكاية انك بتحب و بتكلم بنات و كده مش شائعة فى مجتمعنا
لكن كل واحد ليه اصحابه و دى عادية
لذلك احنا بنمشى على مبدأ (الممنوع مرغوب) و بتنبهر بنفسنك لما بتلاقى واحدة بتحبك مثلا أو انت بتكلم بنات
:::::
الانبهار بالفتاة ::::::
لما تلاقى واحدة جميلة وشيك و جذابة اكيد بتنبهر بيها و ده عادى و طبيعى

و ده للأسباب التالية 1- التكوين الجسمى 2- مبدأ الممنوع مرغوب

بس مش الطبيعى انك فى لحظة تقلب هذا الانبهار إلى حب

(و ده اساسا اللى بيحصل فى 100% من قصص الحب) و بذلك انقلب الموضوع من انبهار إلى وهم
رابعا : من الآخر
أنت لو ركزت نظرك على اى بنت بطريقة واضحة هاتلاقيها و بدون تفكير بادلتك نفس الفعل
و بقت العملية (Love Story) فى ثوانى ...... و العملية دى شغالة بنسبة 90 % و مافيهاش فصال
أما لو حصل العكس و البنت هى اللى بتبصلك برضه هاتكون نفس النتيجة
بس الفرق هنا ان العملية بتكون شغالة بنسبة 100 % و برضه مافيهاش فصال و هذا هو الحب
و نتيجة الكلام ده ان مفيش حاجة اسمها حب و ما هى إلا شىء احنا اخترعناه و وهمنا نفسنا بيه و برضه علشان الشباب فاضى و مش لاقى حاجة يعملها آمن بالموضوع ده ايمان تام مع ان كل الفشل و المشاكل اللى احنا فيها بسبب الموضوع ده
ملاحظات مهمة
1-فى عقلى مليون سبب و سبب لعدم وجود الحب بس انا اكتفيت بدول علشان لسه ما صيغتش باقى المبررات
فى نقط و برضه علشان الامتحانات
2-
علشان ماحدش يفكر ان انا بنيت كلامى على تجربة حب فاشلة .. أنا اساسا ما عشتش قصص حب اساسا
و طبعا السبب انى مش مقتنع بإن فيه حب ...... و كلامى ده بناء على ملاحظة قصص الحب اللى بشوفها حولى
و خصوصا ان انا عارف تقريبا نص قصص حب مصر من خلال الاصدقاء و الاهل و برضه الحاج اسامة منير اللى
الشعب كله بيشوفه واتعلم الحب على ايديه من سن ( 3 : 300 ) سنة
و بالمناسبة انا بعتله SMS امبارح بإنى مش مقتنع بالحب علشان يتناقش فى الرسالة دى بس ماعبرش فيا ولا قال الSMS

Jan 8, 2007 at 05:08 o\clock

أحبك

by: HERO   Category: حب فى حب

أحبك

ليت احساسى حبرا وسماؤه ورقا وعلى قمرك ارسمها

كم تمنيت أن يكون حبي ورده تستيقظي على عطرها
كم تمنيت أن يكون حبي ضمه تعيشي بين أحضانها كم تمنيت أن يكون حبي قصه يهيم حلمك بها

لو كان قلبي ينطق لنطقت حروف اسمك لو كانت العين ترسم لقامت برسمك

ولكن ليس لي إلا شفاه لا تستطيع إلا أن تقول

احبك احبك

احبك بكل اللهجات التي يتكلمها العرب و بكل اللُغات التي يتكلمها البشر ..
أحبك أحبك بلغة جديدة
..
لم يتكلمها أحد قبلي أو قبلك و لم يفهمها أحد قبلي أو قبلك
..
لغة جديدة
..
سيدرسها الناس بعدي و بعدك
..
و سيحاول العاشقون إتقانها لأنها ستكون وسيلة للحب
..
كما هو وضعها بيني وبينكلمدى لم يصله خيال عاشق قط
..
لأجل لم ينتهي عنده عمر فرد لوقت يتلاشى فيه العالم ..فلا يعود له وجود..ولا يعود لنا حياة عليه

لمدى هو أبعد مما وصلت إليه الأساطير والخرافات حباً يأخذك في رحلة بعيدا عن الاحزان
حباً ينقلك عبر الأماكن والأزمان حباً تجدي فيه كل معاني الامان

اغار عليك من نفسي عندما تشتاق اليك من دمعي عندما ينزل من جفني من نسيم الهواء عندما يداعب شعركي من باقه ورد تعجبين بها من زهره بنفسج فوق راسك من رائحه ياسمين تفوح منك من طائر جميل يرفرف حولك ...من طفل صغير يلعب معك .....من جرو طليق يحوم حولك
من نسيم خفيف يداعب شعرك اغار عليك لاني احبك

ولاني احبك فقط اغار عليك

لماذا أحبك ..؟؟

أحبك لأنك تختلفين عن كل النساء بل لأن كل النساء يختلفون عنك
فلا أرى فيهم من يشبهك
بل حتى لا أجد فيهم من يمتلك الجرأة على التشبه بك
أحبك لأن قلبي ذاب في خطوتك ثم وجدت عيني تحن لرؤيتك
واشتاقت أذني لسماع صوتك ذاب إحساسي مع همستك
أحبك لأنك علمتني كيف أكون ملكا وأنا مملوكا
أحبك لأنك علمتني كيف أحبك ..ولأنك عرفتي كيف تحبنيي لماذا أحبك .. ؟؟
بل كيف لا احبك وأنت من اخترعتي طقوس الحب كيف لا أحبك و أنت من علمتني و علمتي البشر ماهو الحب كيف لا احبك و أنت

وبكل اختصار أنت حبيبتي